U Rwanda rwasubije imodoka zari zaribwe mu gihugu cy’Afurika y’Epfo
U Rwanda rwasubije imodoka eshanu zari zaribwe mu gihugu cy’Afurika y’Epfo. Izi modoka zikaba zarafatiwe ku mipaka ya Gatuna, Rusumo na Bugarama mu bihe bitandukanye zinjira mu gihugu.
Igikorwa cyo gusubiza izi modoka cyabereye ku cyicaro gikuru cy’Urwego rw’Ubugenzacyaha (RIB). RIB yari ihagarariwe n’Umuyobozi w'Ishami rya INTERPOL, Antoine Ngarambe naho Polisi y’Afurika y’Epfo yari ihagarariwe na Lt. Col. Brian Butana Mashingo, ushinzwe ishami ryo kugenza ibyaha byerekeranye n'ibinyabiziga.
