Umunyamabanga Mukuru Col Pacifique Kabanda ari kumwe n’abayobozi bakuru ba RIB yakiriye abagize itsinda ry’inararibonye riturutse mu Rubuga Ngishwanama rw’Inararibonye z’u Rwanda bari mu gikorwa cyo gukusanya amakuru ku buremere n’ingaruka z’imyitwarire mibi ibangamiye umudendezo wa rubanda igaragara mu rubyiruko.

Iki gikorwa kikaba kigamije kungurana ibitekerezo n’inzego zitandukanye no gusuzuma ibitera imyitwarire mibi mu rubyiruko no gusesengura bihagije uburyo uburere n’uburezi byatanga ibisubizo kuri iyi myitwarire.

Muri iyi nama, abayobozi ba RIB n’itsinda ry’inararibonye baganiriye kuri bimwe mu  byaha  n’imyitwarire mibi ikomeje kwiyongera mu rubyiruko harimo ubusinzi, gukoresha ibiyobyabwenge, ubujura, urugomo, ubusambanyi n’ibindi  hanagaragazwa imbogamizi RIB ihura nazo nka rumwe mu nzego zishinzwe kubikumira, banasangira ibitekerezo by’uburyo byashakirwa ibisubizo birambye.